الرئيسية
عطشني بحلاتك ارد اموت عليك ،،
واسقـيني ابراضبك ارتوي واخدر .
يل تارس شليلك بالورد اشكال ،،
وبخدك ورد كل شوفه يتغـير .
آدوخ أمفـصلات اشفايفـك تـفـصال ،،
من تغـضب شكل وبشكل من تغـتر .
يل المعـتـق عيونك بالخمر بهداي ،،
بس ادير عينك عل الخلكَـ تسكر .
اشوفنك امكَـبع ما افرزن هاي ،،
عباية المتك لو شعـرك اطشر .
مدري اشلون تمشي ،، واتمشي مدري اشلون ،،
كَـوه امركدات الخصر عل موكر .
ماتكفيك اديه من حضن الجتفين ،،
بس خصرك الزمه باصبعـين اكَـدر .
لو اعرف زفيرك جاب عطره منين ،،
مو حتى الفراش اعليك ظل يفتر .
طشها الواهلية من الضحـك عل الرووس ،،
لاجلك لونطش اكَـلوب مانخسر.
دخيلك لا تغـرد لا تبجي الناي ،،
يل قداس صوتك للحسن كبر .
ما اكَـدر ابوسك من حلاة البيك ،،
اخافـن من ابوسك يصعـد السكر .
احس اتموع روحي من يمر طاريك ،،
ويتلعثم الساني وبالضوه اتعثر .
جتافاتي لشافك ما اجذب اعليك ،،
جن من السمه اعل شفاك يتخمر .
ياهو الكَالك وجنه اعل وجهك هاي ،،
حلقوم انكَليزي وفستق مكسر .
من كَد مشتهاتي احسدت حتى الدود ،،
إذا باجر يمرك لو حضر منكر .
ما صدكَـ معاصم شايله الجفين ،،
ركَبة حور عيّن وشايله الجوهر .
عركَـ خديك ينحط عل الكيكة كريم ،،
أدوخ والنبيذ بحضرتك كفر .
اصابيعك ملبس والأظافر عاج ،،
حرز لو قلمته اتصير عن الشر .
اوكَف ارد اسألك هم تشيب عود ،،
يا شيخوخة هاي المفتنك تكَدر
واسقـيني ابراضبك ارتوي واخدر .
يل تارس شليلك بالورد اشكال ،،
وبخدك ورد كل شوفه يتغـير .
آدوخ أمفـصلات اشفايفـك تـفـصال ،،
من تغـضب شكل وبشكل من تغـتر .
يل المعـتـق عيونك بالخمر بهداي ،،
بس ادير عينك عل الخلكَـ تسكر .
اشوفنك امكَـبع ما افرزن هاي ،،
عباية المتك لو شعـرك اطشر .
مدري اشلون تمشي ،، واتمشي مدري اشلون ،،
كَـوه امركدات الخصر عل موكر .
ماتكفيك اديه من حضن الجتفين ،،
بس خصرك الزمه باصبعـين اكَـدر .
لو اعرف زفيرك جاب عطره منين ،،
مو حتى الفراش اعليك ظل يفتر .
طشها الواهلية من الضحـك عل الرووس ،،
لاجلك لونطش اكَـلوب مانخسر.
دخيلك لا تغـرد لا تبجي الناي ،،
يل قداس صوتك للحسن كبر .
ما اكَـدر ابوسك من حلاة البيك ،،
اخافـن من ابوسك يصعـد السكر .
احس اتموع روحي من يمر طاريك ،،
ويتلعثم الساني وبالضوه اتعثر .
جتافاتي لشافك ما اجذب اعليك ،،
جن من السمه اعل شفاك يتخمر .
ياهو الكَالك وجنه اعل وجهك هاي ،،
حلقوم انكَليزي وفستق مكسر .
من كَد مشتهاتي احسدت حتى الدود ،،
إذا باجر يمرك لو حضر منكر .
ما صدكَـ معاصم شايله الجفين ،،
ركَبة حور عيّن وشايله الجوهر .
عركَـ خديك ينحط عل الكيكة كريم ،،
أدوخ والنبيذ بحضرتك كفر .
اصابيعك ملبس والأظافر عاج ،،
حرز لو قلمته اتصير عن الشر .
اوكَف ارد اسألك هم تشيب عود ،،
يا شيخوخة هاي المفتنك تكَدر
