الرئيسية
السلام عليكم اول ما ابدء به مشاركاتي هي قصيدة عن عراقنا الحبيب وما يعانيه وماعاشوه من ضلم ارجوا ان تنال اعجابكم
العـــــراق
العـــــراق
[color=green][center][i][font=Comic Sans Ms][size=24][center]عراق ورغم جرحك واكّف ايمام
وصرت لهل الصبر كّبه ومناره
-شلت حمل النبوه بذني الايام
وحدك لاعلي وقله النصاره
اشوفنك محمد بين الاصنام
وشوفن ذبحتك مامنهه جاره
لان محد قبل بفراشك اينام
ولان ذبحو حمامات المغاره
و{اقرأ بسم ربك }زيف الوجوه
وعلى اوجوه العرب نزل الستاره
واخبر قلتك والآمنو بيك
الفخر للظل علم ما عاف داره
يثرب موش الك والخزرج او اؤس
كفرو بيك ردّو للحجاره
عراق وكّلبي وحيك ون اجا شي
المذله شي يبويه والنجا شي
يثرب كلهه ضدك والنجاشي
مسح خطه ورجع للجاهليه
عراق ومن تعرج للسماوات
اخذ وياك دمعات الحياره
وخذ ربطة كّصيبه بت البيوت
الخفت عالطبل بسم الحضاره
واخذ شيبة لحيتك ملحة الكّاع
وسأل شيبتك مابيهه شاره ؟؟؟
عراق وسدلي بيبان السفارات
دخيلك بيك الك دفتح سفاره
انكسرت ومو حديد انته ولاحماك
وطحت لامن بشر عانك ولاحماك
عراق الباعتك دمك ولحماك
وكفر ويهود صارو مشتريه
عراق او أذهلت كل مرضع اليوم
ووضعت كل ذات حمل ابكل جداره
{وترى الناس سكارى} يا وطن بيك
وحكّ ضيمك ابد ماهم سكاره
هذوله الفكّدو ابغدادك اولاد
وسكّرهم تعب كثر الدواره "
وطن بغداد كعبه منسك اراك
وكارة ضيم اشيلك منسى كاراك
الزمن ما شاف اعجب من سكاراك
الك شرب و نخب كاس المنيه
