لاموني اعلة ضيمي المادرو بالضيم

هلاوو شباب وصبايا شلونكم ؟
هاي اول مشاركة الي بلمنتدى واتمنى تعجبكم...


لاموني اعله ضيمي ..
المادروا بالضيم ..
واني لخاطرك ..
ما انطي بسرارك
وحسدوني عليك ........
واني كلي اجروح ..
ومتحمل لعينك ..
وجع بسمارك
لو بالخافي يدري اليعتب اعله الروح
چان ابعينه شاف ....
ابگلبي آثارك
تحملتك جرح .....
والون ، أون بسكوت ..
وفوگ الجرح هسه
اتطالب ابثارك !!؟
هاك الروح بيدك ..
وانت حر شتريد ..
سوي اللي تحسه ..
ايطفي الك نارك
معذور اني اعذرك ..
لأن گلبي وياك ..
خطوة .. بخطوة يمشي
ويعرف اخبارك
خطار آنه روحي .. واجت يمك ضيف ..
ماظن شيمتك تغدر بخطارك !!
تعرفني انت زين ..
وأكثر من الناس ..
احط روحي سعف ..
بس احمي جمارك
سوي اللي تريده ..
اشضل بعد بالروح ؟
مو روحي رهينه وباقية بدارك
تزعلني ، واحبك ، وانتشي بطرواك
وروحي اتذوب لهفه ..
امنسمع اشعارك
يا كلشي انت عندي
وكلشي انت وياي
عاين على جروحي ويكفي اعذارك
مو تدري الوصية
اتلوح .. سابع جار ...؟؟
يا جيران گلبي
شبيك وي جارك ..؟؟
تحياتــي ..

يسلمووووووو دمت مبدعة
تقلبي مروري المتواضع
تحياتي

شكرا لمرورك
نورت وربي.

يسلمووووو كتير يا اميرة انتي
ننتظر جديدك
تقبلي مروري